Sneon 3-12
2 december 2016Foto’s SDS 1 – SVM 1
5 december 2016Pupillen fan de wike
It wiene juster wer twa superpupillen. Dat super slacht net op de ôftraap mei in oanfal op de doelman fan SVM Marknesse. Dy bal sykje se no noch want dy gie oer….. Nee, dat super slacht op harren ynset en motivearjende oanwêzichheid tidens de wedstriid.
Want SDS 1 wûn mei 2-0.
It wie de tredde oerwinning op rige en sels Tjipke Okkema koe him net herinnerje wannear dat foar it lêst sa wie.
Ek op de foto
Op de foto meie mei in pupil is in grutte ear foar de SDS 1 spilers. Foarat Remco it fjild ferlitte koe mocht hij op de foto mei Jelle Vellinga. “Mei ik ek mei dij op de foto”, frege syn freondinne dy’t him opwachte nei syn goeie prestaasje. Fansels mei dat…..
Offluitsje……!!
It wie razend spannend bij SDS VR1. Seker doe’t se op 3-2 foar kamen, koe it foar Gerrit Terpstra mar net gau genôch dien wêze. Neffens him wie it al tiid (de wedstriid wie letter begong mar dat wie Gerrit fergetten) en hij woe der alles oan dwaan om dat oan skiedsrjochter André Vink witte te litten. Sels roppe hie gjin sin, mar doe’t Tineke Vink oanrinnen kaam, stelde hij har foar dat sij André der efkes attint op meitsje koe dat it dien wêze moast. “Moat mar net, sei Tineke, “dan hawwe wij in minne jûn”. Ek soan Wietse dy’t stie te wachtsjen mei SDS 4 seach it net sitten om te roppen dat de hoanne fan de toer flein wie…
Efterôf mar goed dat it allegear net slagge, want SDS VR 1 hie yn dy “Gerrit minuten” noch twa prachtige oanfallen mei twa prachtige doelpunten fan Tjitske Heeres.
SDS-Look-a-like
De froulju fan de tsjinstanner fan SDS Vr.1, WTTC/Udiros, seagen it juster lyk;
‘Binne jo de broer fan Reitse?
SDS Look-a-like(2)
Fine jim in SDS’er op in fuotballer, in bekende Nederlander, in Dútser, in blomkoal, Doutzen Kroes of oars ien of wat lykjen mail ús dan in foto. It leafst fansels ek efkes mei de foto op wa ‘t jim degene lykjen fine. Wy binne hiel benijd.
Mail jim SDS-Look-a-like nei info@vv-sds.nl!
Âld-SDS’ers
SDS 3 moast nei de Jouwer ta foar de wedstryd tsjin sc Joure 3, mar seach dat der in folle wichtigere wedstryd dwaande wie. De famkes fan sc Joure fuotbalden hjir de derby tsjin Renado/VVI. It wie in drokte fan jewelste rûn it fjild, want alle klasgenoaten, omkes en tantes, buorlju en âlde lju wienen der te sjen. De âld-SDS’ers Rients Smeding en René Reinsma wienen der te sjen, want Rients syn dochter sit by Renado/VVI. Renado/VVI wûn úteinlik.
Wy binne benijd as ien ús noch in foto maile kin wêr ’t sawol Rene as Rients op stean. Mail nei info@vv-sds.nl!
JO 15-1
Kofje helje foar broer
Wij koene fannewike al lêze dat it goed giet mei Anne Brouwer.
Juster hie der wer it selde antwurd op de fraach hoe’t it gie.
“It giet best, mar ik mei net fytse en autoride”.
Foaral dat lêste fynt hij hiel ferfelend.
Sels kofje helje skynt ek noch net ta te fallen, mar gelokkich hat er dêr in suske foar.
SDS-FIFA-2017-toernoai
Hasto dy al oanmelden foar it SDS-FIFA-2017-toernoai op freed 9 desimber yn de kantine?
Lês der hjir alles oer!
Gau dwaan!
Harsens derby (1801)
Knappe goal…………………. fan de skeids!