Wepperkes -freed-

SDS 2 wint fan HJSC
SDS 2 hat juster de oefenwedstriid tsjin HJSC op it biljertlekken yn ‘e Hommerts mei 6-0 wûn. Hjir it skoreferrin:

De 7 âldere spilers woene dit op wearde skatte en besochten fan alles om de jonkjes “ûnopfallend”  winne te litten. Sa waarden der twa lege ballen klearlein, sadat de technyk fan  “âld” net ta syn rjocht kaam, der waard krekt dien of wie der ien ljochtmêst stikken, sadat sommige âldsjes mei minne eagen op de taast fuotballe moasten en der waard in party foarm spile wêryn snelheid wichtich wie.

It plan slagge. Jong wûn trije kear en alhiel optein sieten sy yn de klaaikeamer te genietsjen. Ek ûnder de brûs fansels mei Zwitsal poppesjampoo, want dy prikt net yn de eagen, hiene se de measte lol. En ald siet er “ferslein” by.

Hulde foar Gerlof, Gearard, Gerlof Jan, Ronny, Rinse, Jeroen, Pieter Lieuwe en Jacob Sjirk.

QVC 1 – SDS 1
Moarn reizget SDS 1 ôf nei QVC. Wy seagen al fêst efkes op harren thússide en fûnen al in foarwurd. Neffens de Starumers giet it om SDS en QVC mar ek om Leo Pruis en Hendrik de Jong. Beide steane mei 8 doelpunten boppe-oan yn de twadde klasse K.

Wat ek nijsgjirrich is de namme QVC. It skynt fanút it ferline in kombinaasje te wêzen fan twa klups. Quick út Starum en de Valken út Warns. Wa wit wannear dizze klups byelkoar kommen binne? info@vv-sds.nl

(Klik hjir foar de nije webside fan QVC)
 

Opstellingen
Jim binne wend dat er freeds seleksjes bekind makke wurde op dizze side. Tongersdeitejûn wie it allegear wat oars as oars. Durk Okkema, dy’t dit altyd fersoarget wie wat letter. Evert fûn dit net leuk, sadat hy sels stappen ûndernaam. Dêrom op fersyk fan Evert de seleksje fan SDS 5:

Pieter, Evert, Pieter Lieuwe, Piet, Tsjalling, Rinse, Gerlof Jan, Willem, Bas, Gearard, Paulus, Geert, Johannes (siik) en Bas.

De skiedsrjochter is noch net bekind. Wy tinke dat frijwilligers sich melde kinne by Evert.

Fraach fan Jan Keuning
By de wepperkes fan woansdei stie in fraach fan Jan Keuning. Twa antwurden binne der binnenkommen op de fraach wa’t samar tidens in wedstriid de boks yn draafde en syn broek ferruile.
Neffens Durk Okkema wie it Lolke Okkema
Neffens Friso Albada woe it Hendrik Okkema of Klaas Okkema.

Dat it in Okkemstreek wie, liket wol dúdlik. Wa hat noch mear in miening. Mail nei info@vv-sds.nl 

Oefenje
It fjild yn Wommels wurdt er net better op troch al dy trainingen. Dêrom sykje SDS 1 en SDS 2   harren heil wat mear yn oefenwedstriden. Bekind ûnderwilens:

Tiisdei 16 novimber: Harkema Opeinde 1- SDS 1
Tongersdei 18 novimber: Balk 2 – SDS 2

Tongersdei 25 novimber: Be Quick Dokkum 1 – SDS 1

Moandei 29 of tiisdei 30 novimber: Ouwe Syl 1 – SDS 1 (plak noch net bekind)