Prizen SDS EK-League 2024
14 juli 2024It EK 2024 yn Dútslân sit der op en dat betsjut dat wy de einstân fan de SDS EK-League opmeitsje kinne.
Noch net in makkelijk putsje, want it blykt wat yngewikkeld mei it tal giele kaarten dy’t der fallen binne.
Binne it der no 224, 226, 227 of 228?
Normaal sprutsen net sa ’n probleem, mar Eeltje Postma hat 222 giele kaarten foarsein. Hy mei der 5 ôf sitte en dy 50 punten soenen him dan krekt de titel opleverje kinne.
Spanje Europees Kampioen
Mar 2 dielnimmers oan de SDS EK-League hawwe de Europees Kampioen goed foarsein. Dat binne Redmer en Harmen en Auke Eringa. Dizze 50 punten kinne sy moai byskriuwe. 10 dielnimmers gienen foar Ingelân as Europees Kampioen.
Topskoorder
Gakpo, Musiala, Kane, Mikautadze, Schranz en Olmo waarden allegear topskoorder fan it EK 2024. Lolke Hofstra, Wiebe Heeres, Paul Reitsma ,Grietzen Broersma, Jelmer de Groot, Bas Postma, Jelte-Pieter Dijkstra, Marc Hoekstra, Seriette Strikwerda, Erik Haitsma, Jaap Toering, Lourens van der Pol, Eeltje Postma, Folkert en Tjerk van der Werf en Willem Wijnia gienen allegear foar Harry Kane en pakke sa 50 punten.
Mar 3 goals
Dat de topskoorders mar 3 goals meitsje soenen hie net ien dielnimmer tocht. Neffens de SDS EK-League dielnimmers soe de topskoorder yn elts gefal 5 goals meitsje. Foar gjin ien punten dus.
Mar 2 reade kaarten
Samme Overal en Eeltje Postma hienen der wol op rekkene dat der dit EK mar 2 direkte reade kaarten jaan wurde soenen. Dy 50 punten hawwe je mar moai te pakken.
Hoefolle giele kaarten?
It liket net sa dreech om it tal giele kaarten op it EK by te hâlden…………. Ammehoela!
It docht bliken dat de iene wol de giele kaarten telt dy’t oan bankspilers of nei de wedstriid joen binne en de oare net.
Wy hawwe oanholden wat de webside fan ESPN oanjout.
Hjir binne 224 giele kaarten joen op it EK.
Eeltje Postma hie 222 foarsein en dat betsjut nochris 50 punten foar him om’t hy der 5 neist sitte mocht. Frans-Pyter Terpstra kaam noch in bytsje yn de kuert mei 215 kaarten en Brent en Syb mei 204, mar de rest siet der allegear fier ûnder.
Eeltsje Postma wint de SDS EK-League!
De 150 bonuspunten leverje Eeltje Postma úteinlik de haadpriis op. Hie Ingelân Europees kampioen wurden dan hie hy der nochris 50 by hân. It ferskil mei nûmer 2, Auke Eringa, is mar 5 puntsjes. Wa hie dit betinke kinnen?
Wiebe Heeres hat hast de hiele SDS EK-League boppe-yn meidien en dat levert him úteinlik in knap 3e plakje op.
Bas Postma is de winner fan Skylge mei in 4e plakje.
Johan Delfsma wurdt 5e, mar dat hie noch wol oars kinnen. Ien reade kaart der by en winst foar Ingelân yn de finale hie him noch wat mear opleverje kinnen, mar hy wie altiten ûnder Eeltje eindige.
De jeugd hat it mar knap dien. Brent (fan Brent en Syb) wurdt 6e en Lisa Hoekstra tegeare mei Redmer en Harmen 10e. Marc Hoekstra falt krekt bûten de top 10, mar wurdt dochs knap 13e.
Rinse Joustra pakt de poedelpriis!
It siet der al wat oan te kommen, mar fiskfegetariër Rinse Joustra pakt de poedelpriis. Yn 2022 wûn hy noch in SDS-paraplu as poedelpriis yn de SDS WK-League en no krijt hy in weardebon foar 50 euro fisk te besteden by fiskhannel van Dijk op Skylge. Mei tank oan Samme Overal.
Rinse Joustra mei 50 euries oan fisk. As fisk-fegetariër is hy hjir fêst wiis mei.
| Stân | Alde stân | Prizen | |||
| 1 | 7 | Eeltje Postma | Wommels | 1245 | 100 |
| 2 | 1 | Auke Eringa | Wommels | 1240 | 80 |
| 3 | 3 | Wiebe Heeres | Wommels | 1185 | 60 |
| 4 | 5 | Bas Postma | Landerum | 1170 | 50 |
| 5 | 2 | Johan Delfsma | Wommels | 1140 | 40 |
| 6 | 4 | Brent en Syb | Easterein | 1125 | 35 |
| 7 | 6 | Annejan Hallema | Wommels | 1095 | 30 |
| 8 | 8 | Hendrik de Jong | Wommels | 1095 | 25 |
| 9 | 11 | Lolke Hofstra | Wommels | 1090 | 20 |
| 10 | 9 | Lisa Hoekstra | Easterein | 1085 | 5 |
| 11 | 13 | Redmer en Harmen | Easterein | 1085 | 5 |
| 12 | 10 | Hendrik Eringa | Spannum | 1080 | |
| 13 | 15 | Marc Hoekstra | Easterein | 1075 | |
| 14 | 12 | Jelmer Hanenburg | Spannum | 1035 | |
| 15 | 21 | Jelte-Pieter Dijkstra | Wommels | 1030 | |
| 16 | 14 | Tom Wijnia | Wommels | 1030 | |
| 17 | 22 | Erik Haitsma | Wommels | 1025 | |
| 18 | 23 | Folkert en Tjerk van der Werf | Reahûs | 1020 | |
| 19 | 16 | Melle de Boer | Wommels | 1020 | |
| 20 | 17 | Jelmer Posthumus | Wommels | 1010 | |
| 21 | 28 | Willem Wijnia | Wommels | 1010 | |
| 22 | 18 | Jelke van der Werf | Wommels | 1005 | |
| 23 | 29 | Lourens van der Pol | Easterein | 1005 | |
| 24 | 31 | Samme Overal | Terschelling | 1000 | |
| 25 | 19 | Ate Feike de Boer | Wommels | 995 | |
| 26 | 20 | Bote Strikwerda | Wommels | 995 | |
| 27 | 32 | Paul Reitsma | Wommels | 995 | |
| 28 | 33 | Seriette Strikwerda | Spannum | 995 | |
| 29 | 34 | Jelmer de Groot | Hoorn (Skylge) | 990 | |
| 30 | 24 | Pieter Sijtsma | Wommels | 970 | |
| 31 | 25 | Pieter Wijnia | Wommels | 970 | |
| 32 | 26 | Jens Overal | Terschelling | 965 | |
| 33 | 27 | Jildert van der Werf | Wommels | 965 | |
| 34 | 30 | Aant Hofstra | Wommels | 950 | |
| 35 | 40 | Jaap Toering | Wommels | 950 | |
| 36 | 42 | Grietzen Broersma | Ljouwert | 945 | |
| 37 | 35 | Margit Cnossen | Spannum | 940 | |
| 38 | 36 | Jan-Friso Bruinsma | Wommels | 930 | |
| 39 | 37 | Hessel Hek | Hoorn (Skylge) | 925 | |
| 40 | 38 | Jelle Wiersma | Wommels | 910 | |
| 41 | 39 | Pieter en Benthe Kamstra | Easterein | 910 | |
| 42 | 41 | Frans-Pyter Terpstra | Wommels | 895 | |
| 43 | 43 | Rudmer Jesse Joustra | Wommels | 870 | |
| 44 | 44 | Anne Torensma | Midsland | 845 | |
| 45 | 45 | Eeltsje Bootsma | Ljouwert | 840 | |
| 46 | 46 | Teade de Boer | Wommels | 830 | |
| 47 | 47 | Gerbrand en Douwe Jan | Wommels | 760 | |
| 48 | 48 | Brend Toering | Wommels | 755 | |
| 49 | 49 | Rinse Joustra | Wommels | 730 | Poedelpriis |
De kosten foar de SDS EK-League wurde sa gau as mooglik ôfskreaun fan jim rekken en it prizenjild sa gau as mooglik oermakke.
Auke 2, Eeltje 1 en Wiebe nûmer 3.
