Teamyndielingen manlju senioaren

Hjir binne dan de foarlopige teamyndielingen fan de manlju senioaren foar it kommende seizoen 2021-2022.
SDS 1, 2 en 3 binne ynskreaun foar de bekerkompetysje.

SDS 1:

By SDS 1 stoppet Jacob-Klaas Haitsma. Hy giet yn SDS 3 baljen. Bauke Dijkstra en Habtamu de Hoop gean nei SDS 2. Frank Bervoets wol it efkes rêstiger oan dwaan en giet nei SDS 3. Nij binne de jongens út de JO19; Anco Bervoets, Douwe-Jan Vellinga, Sjoerd de Boer en Wiltsje Aardema. Wesley van de Wint komt oer fan SDS 2.
Douwe Posthuma is de trainer en Robert Hoekstra en Jappie Wijnia syn assistenten. Der wurdt noch socht om in nije fersoarger en in flagger.

SDS 2:

By SDS 2 komt Bauke Dijkstra der dus definityf by en Habtamu de hoop hoopt tiid frij te meitsjen om sa no en dan by SDS 2 te baljen. Fierder komme Eeltsje Bootsma, Kevin den Haan, Tjitse Postma, Stijn Schildkamp en Tom Wijnia oer fan de JO19-1.
Om ’t it keatsseizoen no langer duorret is it foar trainer fan SDS 2 en directeur fan de KNKB Marco Hoekstra wat lestich om yn it seizoen yn te stappen. Der wurdt noch socht nei in oplossing.
Rick Hendriks is wer leider by SDS 2 en Klaas de Haan is wer flagger.

SDS 3:

By SDS 3 binne Cor van de Belt en Pieter Kamstra stoppe en stean Sjoerd Rispens en Skelte Anema op de reservelist. Sy krije al Jildert van der Werf, Steven Vellinga, Ralph Wariman, Tsjipke Okkema, Frank Bervoets en Jacob-Klaas Haitsma der by.
Johan en Inne Heerma stopje as lieders. Inne wol wer probearje te fuotbaljen. Der wurdt noch socht nei in nije lieder(s).

SDS 4:

Bram Strubbe, Igor Kalinowski, Jorrit Veldma en Klaas-Bouke Faber binne stoppe, mar Tjeerd de Vries komt oer fan SDS 2.
Allert Turksma,  Johan Postma, Eeltje Postma en Gert-Jan Hessels nimme it liederskip wer op harren.

SDS 5:

Wichard Deinum is definityf stoppe mei baljen. Dirk de Jong fan SDS 2 komt SDS 5 fersterkjen lykas Janpiet van der Meer. Janpiet is nij lid en wennet boppe it kafé yn Easterein.
It is de bedoeling dat de seleksje noch fierder fersterke wurdt mei Hendrik Sweering.
Harm-Auke Dijkstra en Gert-Jan Hiemstra sille it team liede en Daan Boersma wit fan gjin ophâlden en sil ek kommend seizoen wer flagje.

Dit is fansels in foarlopige teamyndieling en elke SDS’er is frij ynsetber binnen SDS. Mei 105 fuotballers by de senioaren moat it slagje om kommend seizoen eltse sneon mei 5 teams te fuotbaljen. Trije seizoenen lyn moasten wy it noch dwaan mei 90 senioarenleden.

Mochten je fragen of opmerkingen hawwe oer de teamyndielingen nim dan efkes kontakt op mei de man fan de technyske saken; Jaap Toering.