EK-League 3-7-2024

De 8e finales sitte der op.

Roemenië – Nederland

Jens Overal, Jelmer de Groot, Jelmer Hanenburg, Jildert van der Werf, Annejan Hallema en Brend Toering hienen der alle fertrouen yn dat in nûmer 3 de winner fan groep E ferslaan soe. Dat betsjut foar alle 6 dielnimmers 5 punten, want net ien dy’t 0-3 foarsein hie. Om Jens Overal, Jelmer de Groot en Annejan Hallema hie dy 3e goal net falle hoeft. Sy hienen gokt op 0-2. Of soe Annejan Hallema syn skuon op it fjild smiten hawwe om te foarkommen dat Malen skoorde?

Oostenrijk – Turkije

Op ‘e nij Jens Overal en Jelmer de Groot en Teade de Boer like it dat de 2e yn Poule F sterker wêze soe as de winner fan Groep D. Jens en Jelmer foarseinen ek noch 1-2 en meie 10 punten byskriuwe. Teade gie foar 0-1 en pakt 5 puntsjes.

Nederland en Turkije troch nei de kwartfinale

Mar leafst 7 fan de 8 kwartfinalisten hat Pieter Sijtsma goed. Ynstee fan Turkije hie hy op België rekkene. Hy stiet dan ek fertsjinne boppe-oan yn de SDS EK-League.

Jens Overal die goeie saken mei de útslaggen fan de kwartfinales mar seach Nederland en Turkije net trochgean nei de kwartfinale. Dit makket dat hy sakket fan it 2e nei it 10e plak.
Aant Hofstra hie der ek net op rekkene en dy rûgelt fan it 11e nei it 31e plak.
Seriette Strikwerda hie har jild al op Turkije en Nederland setten en giet dêrmei fan it 40e nei it 17e plak.
Redmer en Harmen dûkelje fan it 10e nei it 30e plak. Sy gienen dizze wike as in spear doe’t Spanje trochgie nei de kwartfinale. Troch in foutsje krigen sy dûbele punten foar Spanje yn de kwartfinale. Dit is wer hersteld. Us ekskúses.
Gerbrand en Douwe-Jan en Rinse Joustra steane noch altiten mei de reade lantearn yn de hân. De poedelpriis wolteferstean.

De ‘foar 50 euriesoandeadefisk-bon’ wolteferstean.