Weppers woansdei 27-9-2023

SDS-League: FC Lollum pakt de wykpriis!
25 september 2023
Foto’s SDS 4 – Heerenveense Boys 9
28 september 2023

Mika de Jong langer by sc Heerenveen

Mika de Jong fan SDS JO9-1 traint 1x yn de moanne mei by de jeugd fan sc Heerenveen en hat te hearen krigen dat hy noch in jier bliuwe mei. Wy winske Mika op ‘e nij in hiel soad súkses!

SDS JO9-1 op de foto


SDS JO9-1 wûn sneon mei 11-1 en woenen dan ek o sa graach wol efkes op de foto. Dit binne se:
Ids Politiek, Mika de Jong, Tys van Wijngaarden, Redmer Kamstra, Melle Wiersma, Fender Flisijn en Xander Geertsma.
Sven Sijbesma is net op de foto kommen.

Mear teamfoto’s

It soe alderaardichst wêze as der sneon wat mear teamfoto’s komme. Dan kinne wy se op de webside sette en bewarje foar letter.
Stjoer se nei willem@vv-sds.nl en/of aant@vv-sds.nl.

Sneon SDS 1 – WPB 1 om 15.00 oere mei nei de tiid DJ Bas

Wy meitsje der sneon wer in noflike fuotbaldei fan.

Tongersdei is de kantine iepen

Tongersdei om in oer as 20.15 oere is de kantine wer iepen. Gerwin Sijbesma hat bartsjinst en sil elkenien fan in hapke en in snapke foarsjen.

Gearwurking mei sc Heerenveen

Al in pear jier hat SDS in gearwurking mei sc Heerenveen. Op dy manier kinne SDS-leden bygelyks sa no en dan foar in prikke nei in wedstriid fan sc Heerenveen. Jim sjogge dêrom dit logo no ek boppe-oan ús webside.

SDS-League

Hjoed waard Ajax – Feyenoord útfuotballe en der binne noch wat oare wedstriden út in earder kompetysjeprogramma. Normaal spruytsen soenen wy Ajax – Feyenoord wol meitelle en it âld kompetysjeprogramma net, mar dat is spitich genôch net mooglik. De punten fan hjoed komme boppe-op dy fan kommend wykein. Der binne dus aardich wat punten te fertsjinjen. Benijd as it dy iene wepmaster wat fertúten docht………

Harsens derby (2188)

Alderaardichst……. 😉