Weppers tongersdei 11-12-2024

SDS-League: Tims ‘Toro’s FC’ pakt de wykpriis!
10 december 2024
Weppers freed 13-12-2024
13 december 2024

Winterstop SDS 1

SDS 1 traint jûn noch en hat dan winterstop. Sy hawwe dan 3 wiken frij en sille op tongersdei 2 jannewaris wer begjinne te trainen. Sneon 4 jannewaris is de SDS-nijjierssit en sneon 11 jannewaris sil SDS 1 thús oefenje tsjin Heeg 1.

OFK 2025

Begjin jannewaris wurdt yn de Trije yn Frjentsjer wer sealfuotballe op it OFK. SDS 1 docht dit jier net mei, mar de jongens fan SDS/Nijland JO19-1 wienen dûbel enthousiast. Sy spylje op woansdei 8 jannewaris yn de foarronde yn poule H11.
De finales binne op sneon 11 jannewaris.

Krystsealtoernoai yn Frjentsjer

Tradisjoniel is der dit jier wer in Krystsealtoernoai yn Frjentsjer. Lykas ferline jier net mear tradisjoniel op 2e krystdei, mar nije wike sneon 21 desimber. Dit is fan 16.00 oere oant in oer as 22.30 oere.
Tradisjoniel docht der wol wer in ploegje SDS’ers mei. Dit kear sille sawisa Bote, Jelte-Pieter, Tsjipke, Feite, Frank (Feite syn sweager), Freek en Willem meidwaan.

SDS op it Krystsealtoernoai yn Frjentsjer yn 2005 yn de âlde hal.

Kryst-Treffer

Wy binne drok dwaande mei de Kryst-Treffer. As alles meisit dan leit der krekt foar de Krystdagen by jim troch de bus. Mochten jim noch wat aardichs foar de Treffer hawwe stjoer it dan efkes nei DeTreffer@vv-sds.nl.

Remco Bervoets hat bytekene

Ald-SDS-trainer Remco Bervoets foldocht it goed by vv Scharnegoutum en hat dizze wike bytekene foar in jier. Wy winskje him in soad súkses!

Klaverjasmiddei

Opjaan by Harm Dijkstra of Jan-Friso Bruinsma:

Harsens derby (2285)

Toet, toet!