Weppers tongersdei 9-1-2025

SDS/Nijland JO19-1 op OFK
6 januari 2025

SDS/Nijland JO19-1 útskeakele op it OFK

SDS/Nijland JO19-1 sloech justerjûn gjin raar figuer yn de foaaronde fan it OFK yn Frjentsjer, mar slagge der net yn de finaleronde te helje.
De earste wedstriid tsjin Udiros, mei de Maradona fan de Wâlden, Oebele Schokker, yn de basis, gie mar krekt mei 1-0 ferlern wylst de earste kansen dochs dúdlik foar de JO19 wienen.
De twadde wedstriid tsjin Futsal Frisia kaam de JO19 ferrassend mei 1-0 foar troch Redmer Wiersma en de Ljouwerters waarden suver wat ûnrêstich. Dochs waard it noch 1-3.
Tsjin Harlingen 2 waard ûngelokkich mei 2-0 ferlern, mar ien goal hie ôfkeurd wurde moatten en SDS hie seker wol wat kânsen.
Tsjin Futsal Marum gie SDS/Nijland by de 2-3 efterstân op syk nei de 3-3, mar foel de goal oan de oare kant en waard it 2-4.
Yn de lêste wedstriid hast noch in stunt tjin ZV De Herauten, 2-0 efter, giele kaart en dan yn ûndertal de 2-1 fan Sven Hoekstra. Krekt foar tiid keeper Jorrit Stap mei nei foaren mei de kâns op  de lykmakker, mar it bleaun 2-1.
Uteinlik net ûnfertsjinstlijk, mar lykas de measte JO19 teams dy’t meidogge waard SDS/Nijland JO19-1 lêste yn de poule, mar wie it dochs de iennige ploech dy’t skoarde tsjin poulewinner Futsal Frisia!
It twadde plak yn de poule gie nei ZV De Herauten. Sy geane lykas Futsal Frisia nei de finales fan kommende sneon.
Sjoch hjir foar alle útslaggen.

Sjoch hjir foar mear foto’s.

SDS 1 oefent jûn tsjin Heeg 1

Jûn om 20.15 oere oefent SDS 1 om 20.15 oere thús tsjin Heeg 1. Dizze wedstriid stie op it programma foar kommende sneon, mar Heeg moat sneon ynhelje of balje op it OFK.
De seleksje fan SDS 1 sjocht der foar jûn sa út:
1 Jan Peter
2 Jelte-Pieter
3 Remco
4 Gerwin
5 Tim
6 Robin
7 Douwe Jan
8 Gerbrand
9 Jelmer
10 Pieter ©️
11 Lourens
12 Sjirk
13 Sietze
14 Wiebe
15 Wytze
16 Niels
44 Mark

19.30 omkleden
19.40 bespreking
19.45 warming-up
20.15 aanvang wedstrijd

Kantine iepen

De kantine is jûn iepen tidens en nei de wedstriid SDS 1 – Heeg 1 mei tank oan Sietze Stoffelsma en Inne Heerma.

De nije SDS-League

De earste helte fan de SDS-League sit der op en dat betsjut dat wy foarút sjen kinne nei de twadde helte fan de SDS-League.
De transferperioade duorret oant en mei 31 jannewaris, dus wy geane der fanút dat wy 8 febrewaris wer los kinne.

Harsens derby (2287)

Toet, toet!