Weppers tongersdei 27-10-2022

SDS-League: ‘Bergosso’ is yn foarm!
25 oktober 2022
Weppers freed 28-10-2022
28 oktober 2022

Seal

De sealfuotballers fan SDS 1 spilen justerjûn tsjin de Boalserters fan Blauw-Rood’20 en wûnen mei 6-2. De wedstriid waard knap lieden troch skiedsrjochter Tjitse Postma. SDS 1 stiet no op in knap 2e plak.

SDS 3

It sit SDS 3 dit seizoen net mei. Al 3 man (Marten, Inne en Jildert) mei langduorrige blessures en geregeld sneons de earste seleksjespilers al kwyt oan SDS 1 of 2. Kommende sneon soe SDS 3 om 12.30 oere thús los tsjin Blauw-Wit 4, mar dit past de Ljouwerters net. Der sil no alles oan dien wurde om sneon om 16.30 oere yn Easterein te baljen. It sil ús benije.

Kantine

Jûn is de kantine wer iepen mei Europeesk fuotbal op it grutte skerm. Sietze Stoffelsma sil jim fan hapkes en snapkes foarsjen.

Nij lid

Jesper Huistra is lid wurden fan SDS en slút oan by SDS JO10-2. Wolkom by SDS, Jesper!

Degradeard

Willemsoord degradeare ferline seizoen út de 3e-Klasse en seach al gau yn dat it yn de 4e-Klasse ek net folle wurde soe. Noch foar de kompetysje dienen sy in fersyk by de KNVB om ôf te sakjen nei de 5e-Klasse. De KNVB gie hjir net mei akkoard. Nei 4 wedstriden yn de 4e-Klasse sjogge sy it net mear sitten en hat vv Willemsoord sels de stekker der mar út lutsen.

Harsens derby (2103)

Fuort dat ding……