Wepperkes -woansdeitemiddei-

Lykle rêdt it krekt
De club fan ús nije trainer, Lykle Bleekveld, hat it krekt rêden yn ‘e 3e Klasse. De lêste wedstriid waard troch Ouwe Syl wûn mei 0-3 by Makkum. Dit wie genôch om degradaasje foar te kommen en sels de neikompetysje.

Sowieso feest
As SDS 1 no jûn wint as ferliest, Peter Sybesma en Geertsje Bootsma hawwe moarn sowieso feest. Sy geane moarn trouen. Snein hie Peter syn “bokke-dei”. Dit wie te merken yn Easterein. Om in oer as 10 jûns waard hy mei lûd getoeter troch Easterein riden mei in fuotbalshirtsje oan. Dit shirt wie fansels net fan Feyenoord.


Easterlittens krekt net
Ôfrûne snein ferlear Easterlittens mei fan Read-Swart. Dit betekent dat Easterlittens, mei âld-SDS-keeper Egbert Bootsma ûnder de latte, krekt net kampioen wurden is en dat sy meidogge oan ‘e neikompetysje. Read-Swart is kampioen wurden.

Wat foar de SDS-side
Hawwe jimme hjoed of moarn wat foar de SDS-side, mail dit dan efkes nei info@vv-sds.nl.

Measte “hits”
Nedstat hâldt foar ús by hoefolle besikers wy sa deis hawwe op ús webside. Dit dogge sy net allinne foar ús mar ek noch foar 6275 oare “fuotbalsites”. Ôfrûne moandei hienen wy 363 besikers. Hjirmei hienen wy de measte besikers fan alle Fryske amateurklubs. Yn totaal fan alle “fuotbalsites” stienen wy op it 155e plakje. Mocht dit in graadmeter wêze foar de wedstriid fân jûn(SDS 1) en moarntejûn(SDS 2) dan komt it wol goed. Be Quick Dokkum hie 226 besikers (wêr fan 100 fan SDS’ers?) en stie op it 245e plak. Drachtster Boys (dochs net in lytse feriening) hie 231 besikers en stie op it 240e plak.

Minne Modderman
Neat sa snel as it ynternet. Op ús fraach as Minne Modderman (kollega fan Hinke) it antwurd wist op de skorsing fan Gert Jan hat Hinke it folgjende dien. De skouders bleat en de fraach by Minne op’t bureau lein. Wy hawwe it derop dat Minne gek is op Hinke har skouders, want it antwurd wie: “by berjocht skorst en by gjin berjocht net skorst”.

No dat hiene wy sels ek al betocht!

Kampioen?
Kommende sneon kinne de E1 en de F4 kampioen wurde. Beide teams hawwe in thúswedstriid. Kom dus allegear!
9.15 SDS F4 – Dronrijp F5
10.15 SDS E1 – LSC E2

Lidmaatskip foar de jeugd opsizze?
Wannear spilers (miskien nei jûn?) hun lidmaatskip opsizze wolle dan moatte sy dit op koarte termyn skriftlik dwaan by Eddy de Boer of Koos Plantinga. De technische kommisje hat de teamyndielingen foar it folgende seizoen al klear.