Weppers tiisdei 18-4-2023

SDS 1 seal – Futsal Heerenveen 4

Woansdei om 20.00 oere yn de fertroude sporthal yn Easterein.. It is harren lêste wedstriid en at se yn it lofter rychje blkiuwe wolle dan is winst needsakelik.
At se it seizoen mei in posityf doelsaldo ôfslute wolle is winst ek needsakelik, Sij hawwe 86 doelpunten makke en hawwe der ek 86 tsjin krijgen.

SDS VR 1

SDS VR1 sil freedtejûn ek wer los yn harren kompetysje.
Nei 4 duels steane se boppeoan.
De 4 wedstriden dy’t foar freed op it programma stean, wurde spile bij vv Sneek Wit Zwart

Efkes Balje op moandei

Mei 13 persoanen moast er wer efkes goed neitocht wurde om ta twa gelykweardige partijen te kommen. Dat slagge úteinlik tige goed want 12-12 is in prachtige einstân yn de earste partij.
Grutte doelen yn Wommels, stroef gers, in lestich sintsje, dus perfekte omstannichheden.
Ploech Permin (PersoanMinder, wat earder ManMin wie (ManMinder)) wist mei lange ballen it spul breed en djip te hâlden en wist sa no en dan mei de kop te skoaren, wat in dûbele skoare oplevert.
Ploeg Permea (PersoanMeer, earder ManMear) moast alle silen bijsette om bij te bliuwen en mei de kop der bij (ek meardere dûbeltellers), slagge dat prima.
Bij de finale fan twa doelpunten wie der soarch dat it lang duorje soe. Dat wie in ûnnedige soarch. Pemé makket koarte metten en wint mei 2-0
PerMin: Han, Ferrie, Frank, Menno, Johan, Ids
PerMea: Wouter, Bertus, Jappie, Friso, Harrie, Sipke en Aant

Foar de analitisi de rinlinen fan ien fan de dielnimmers, dy’t 4,3 kilometer rûn hat yn 53 minuten en in topsnelheid helle fan  mar leafst 16,4 kilometer.