Weppers tiisdei 10-10-2023

Nij lid jeugdkommisje

Christine van der Valk en Anno Feenstra hawwe ôfskie nommen fan de jeugdkommisje. Moai dat der ek alwer in opfolger fûn is yn de persoan fan Peter Geertsma. Yn de jeugdkommisje sitte no Pieter Kamstra, Dirk de Jong en Peter Geertsma. Hjir kin noch wol ien by.

Bus nei Knickerbockers

SDS 2 mei sneon yn Grins fuotbalje tsjin Knickerbockers 4 en neffens tradysje is dat fansels in buswedstriid. De wedstriid begjint om 12.15 oere, dus de bus sil moai op tiid út Easterein fertrekke. It is net by ús bekend hoe let de bus werom giet. Wa ’t ek mei wol kin him melde by de koach fan SDS 2, Samir Tawafra (06-52285382). De kosten binne 10 euries p.p.

SDS-League

De nijste stân fan de SDS-League kinne jim hjir jûn ferwachtsje rûn in oer as 18.34 oere.

Tongersdeitejûn kantinejûn

Tongersdeitejûn is de kantine nei it trainen wer iepen fanôf in oer as 20.12 oere. Marten sil jim foarsjen fan in hapke en in snapke.

OFK 2023

Begjin jannewaris sil der tradisjoniel wer in Iepen Frysk Kampioenskip (OFK) sealfuotbal yn Frjentsjer organiseard wurde. Sjen as SDS der mei in manljus- en in frouljusteam hinne kin.

Wim Kieft yn it Dielshûs

Earder dit jier stie Johan Derksen yn it Dielshûs mei sidekick Eddy van der Ley. Sneon 9 desimber sil syn maat Wim Kieft yn it Dielshûs komme. Kieft fuotballe û.o. by Ajax, Pisa, Bordeaux en PSV. Hy is noch wol gauris op de tillevysje te sjen. De foarferkeap is al los.

Harsens derby (2192)

Dizze kin sa by Ajax yn de ferdediging…..

pic.twitter.com/G8yi5e6OFQ

— Out Of Context Football (@nocontextfooty) October 9, 2023

Letter miskien wol mear!