Weppers snein 15-1-2023

SDS 1 hat oefene

SDS 1 hat juster oefene út tsjin 2e klasser vv Workum 1. Yn de earste helte kaam SDS mei krekt foar de rêst mei 1-0 foar út in penalty fan Jelmer Posthumus. Rûn de 65e minút makke Workum der 1-1 fan, mar noch gjin 5 minuten letter makke Stan sawol de 2-1 as de 3-1. 5 minuten foar tiid makke Workum noch de 3-2.
Kommende sneon spilet SDS 1 syn earste kompetysjewedstriid út op keunstgers tsjin Oudehaske 1.

SDS 2 hat oefene

SDS 2 hat juster yn Wurdum oefene tsjin WWS 1. Op in knap sompich fjild gie SDS 2 mei 4-2 ûnderút tsjin de sneons 5e-Klasser.
SDS 2 spilet sneon 28 jannewaris de earste kompetysjewedstriid thús tsjin FVC 2.

OFK

Juster wie neffens tradysje de finaleronde fan it Iepen Frysk Kampioenskip sealfuotbal yn Frjentsjer. Yn in kolkende sporthal De Trije mei by tiden sa ’n 1500 taskôgers waard it in wier spektakel. By de froulju wûn úteinlik Libertas 1 de titel en by de manlju gie de earste priis nei ZVF 1 nei winst yn de finale fan FVC 1(seal).

Kaarte

Douwe-Dirk Reitsma gie der juster by it klaverjassen mei de 1e priis fan troch. Tjeerd de Vries waard 2e, frou Sjaarda 3e en Pyt Postma pakte de poedelpriis.

Ynhelje

Yn de 3e-Klasse A begjint nije wike de kompetysje wer. Sa mei SDS 1 út nei Oudehaske 1. Tiisdei is der noch in ynhelwedstriid yn dizze klasse. Nijland 1 mei dan thús tsjin CVVO 1. De seleksje fan Nijland is no noch yn Portugal, dus sy kinne de swimbroek mopai oanhâlde oant en mei tiisdei……… Al hawwe wy geruchten heard dat de wedstriid mooglik by CVVO spile wurdt.

Oprop barfrijwilligers

De Skoalleseize is der yn slagge om foar de twadde helte fan it seizoen in barfrijwilligersskema te meitsjen. Wol sitte hjir wat gatten yn troch in weromrin fan it tal barfrijwilligers.
No wol de Skoalleseize graach in ‘oprop-app’ meitsje. Dan wurde je net yndield, mar kinne je op in oprop reagere as der om barfrijwilligers frege wurd.
Sa bliuwt frijwilliger wêzen frijwillich.
Wolsto hjir ek yn, stjoer dan efkes in mailtsje mei je namme en tillefoannûmer nei vrijwilligersskoalleseize@gmail.com.
Alfêst tige by tige!