Weppers freed 8-9-2023

Weppers tiisdei 5-9-2023
5 september 2023
Sneon 9-9-2023
8 september 2023

Beker: SDS 1 – HJSC 1

SDS 1 spilet moarn om 15.00 oere thús tsjin HJSC út Hommerts/Jutryp. Dizze seleksje wurdt om 13.30 oere op it sportkompleks ferwachte en komt om 13.50 oere op de foto:
Erik, Douwe Jan, Gerwin, Gerbrand, Habtamu, Jeffrey, Jelte Pieter, Lourens, Luuk, Kevin, Matthijs, Remco, Sietze en Stan.

SDS 1 – HJSC 1 yn it ferline

Wy binne de archiven yn doken om te sjen wannear ’t SDS foar it lêst in offisjele wedstriid hân hat tsjin HJSC. De seleksjespilers fan no wienen doe noch net berne.
Dizze wedstriidferslagen koenen wy fine út it seizoen 1977-1978, 1978-1979 en 1979-1980.


Beker: Zeerobben 3 – SDS 2

SDS 2 mei moarn foar it earst foar it écht los. Sy spylje yn Harns tsjin Zeerobben 3 foar d beker. Zeerobben 3 hat de earste bekerwedstriid yn de beker tsjin WPB 2 mei 2-1 ferlern. SDS 2 wie de earste bekerwedstriid frij. Woansdei spilet SDS 2 thús tsjin WPB 2. Trainer Samir hat moarn 17 man ta syn beskikking. Dizze manlju fertrekke moarn om 11.15 oere út Easterein:
1. Tim, 2. Robin, 3. Wessel w, 4. Wessel s, 5. Bauke, 6. Jelmer B, 7. Gjelt, 8. Eeltsje, 9. Jelte, 10. Niels j, 11. Niels h, 12 Redmer, 13.Tom, 14. Wout, 15Jildert, 16. Steven, 17Jochem en 18. Jens

Knappe opkomst

De opkomst by de trainingen wie juster knap ûndanks de waarmte. By SDS 1 wienen der 14, by SDS 3 wienen der 17 en by SDS 2 mar leafst 19.

Pannakoai

It sjit al moai op mei de nije pannakoai. Kommende moandei wurdt it earste beton stoarten en de moandei derop de rest fan it beton. No soe der efentueel jeu de boulet wurde kinne 😉

Programma

Fannemiddei kinne jim hjir op de webside it folledige programma foar moarn wer fine. SDS 1 spilet middeis thús en SDS 2 bekert dus út tsjin Zeerobben 3. SDS 3 en 4 meie nije wike foar it earst los yn de kompetysje.

Barfrijwilligers

De Skoalleseize siket foar moarn noch barfrijwilligers foar efter de bar yn de kantine fanôf 16.00 oere. Wa soe dat dwaan wolle? Graach efkes kontakt opnimme mei Syb 06-33030042.

Staasjejild

No’t de pannakoai betelle is betsjut it dat it staasjejild op plestik fleskes yn de kantine in oare bestimming krije kin. Dit giet no nei de organisaasje fan de slotdei fan de jeugd. De posters sille oanpast wurde.

De nije SDS-League

Jim kinne allegear wer meidwaan oan de SDS League. Jim kinne alle ynformaasje fine hjir op de webside en der lizze ynfulformulieren yn de kantine. Graach ynleverje foar moarn 20.00 oere sadat wy nije wike lyk los kinne. Hoe mear der meidogge hoe leuker!
Ynmiddels binne der al sa ’n 20 formulieren ynlevere. Sy komme út de hiele provinsje. Fan Aldegea oant Waaksens en fan Spannum oant Lollum.

Goals fan it fjild

De trainingen binne wer drok oan de gong, mar dat wol net sizze dat it ûnderhâld fan it keunstgers stoppet. Graach nei de trainingen dus de goals fan it fjild ôf sadat it keunstgers syn soarch krije kin.

Mar dan wol graach netsjes sadat elkenien der by del kin 😉

SDS 1 – WPB 1 mei nei de tiid DJ Bas de Haan

SDS 1 spilet op sneon 30 septimber thús tsjin Waterpoort Boys 1. Wy meitsje der nei dizze earste kompetysjewedstriid thús lyk mar in feessie fan mei DJ Bas de Haan nei de wedstriid. No al nocht yn.

7×7

De froulju en de manlju fan de 7 tsjin 7 hawwe noch efkes simmerstop. De froulju meie op freed 22 septimber foar it earst los yn Littens en de manlju meie dan yn Jirnsum.

Harsens derby (2181)

Ho!