Weppers freed 21-10-2022

Nijland 1 – SDS 1

De derby waard earder ôflast neidat in pear fikse buien it fjild fan Nijlân ûnder wetter setten hienen. It bliuwt no droech, dus wy ferwachtsje dat der no gewoan fuotballe wurde kin yn Nijlân. Dizze seleksje wurdt moarn ferwachte:
Jaap, Douwe-Jan, Erik, Frank, Habtamu, Jelte-Pieter, Lourens, Matthijs, Pieter, Stan, Steven, Wierd, Bauke en Jelmer.

SDS 2 – vv Heerenveen 2

SDS 1 hat in grutte seleksje en it doel wie om eltse wike 3 spilers rypje te litten by SDS 2. Op ‘e nij misse der by SDS 1 tefolle om dit slagje te litten. SDS 2 moat sels ien ôfstean oan SDS 1 en hat 2 spilers fan SDS 3 nedich om ta in moaie seleksje te kommen. Uteinlik al in prachtige seleksje om ta in goed risslutaat te kommen tsjin Heerenveen 2. De wedstriid begjint om 14.30 oere en dizze mannen wurde om 13.00 oere op it sportpark ferwachte:
Mark, Arjen, Eeltsje, Jente, Jort, Jurjen, Lieuwe, Robin, Sietse, Tim, Tom, Wessel S, Bote en Jesse.

SDS 3 – sf Deinum 2 g.n.t.

Op ‘e nij kin SDS 3 net genôch minsken op papier krije om moarn om 12.15 oere te baljen en op ‘e nij is sf Deinum it slachtoffer. Der sil gau wat feroarje moatte om SDS 3 yn de kompetysje te hâlden. Oan langdurige blessures kinne je allinnich net folle dwaan.

SDS 5 – AVC 3 g.n.t.

SDS 5 soe moarn fuotbalje tsjin AVC 3. Dit giet troch tige tryste omstannichheden by AVC net troch.

SDS-fuotbalplaatsjes

De SDS-fuotbalplaatsjesaksje is dien by Jumbo-Kooistra. Hawwe je it boek noch net fol dan kinne je by de byb yn Wommels sjen as sy dêr yn de plaatsjesbak it plaatsje noch hawwe dy ’t je misse. Nije wike stiet der in bak yn de kantine.

WK-fuotbalplaatsjes

Wa ’t it SDS-plaatsjesboek fol hat en no ferslaafd oan fuotbalplaatsjes sparjen is hat gelok. Panini hat it WK-plaatsjesboek 2022 krekt útbrocht. It boek en de plaatsjes binne te krijen by Van der Velde yn Wommels. Sy binne al krekt wat djoerder as de SDS-fuotbalplaatsjes.

Harsens derby (2102)

Fuotbaljen is it moaiste wat der bestiet!

From father to son pic.twitter.com/P1ZqzoVhLu

— (@thecasualultra) October 20, 2022

Letter miskien wol mear!