Aldjiersdeiweppers

SDS nijjierssit 2023! Doch ek mei!
24 december 2022
Weppers 3-1-2023
3 januari 2023

De bêste winsken alfêst!

Aldjierssealbalje

Fannemiddei kin der wer tradisjoniel âldjierssealballe wurde yn de sporthal yn Easterein. Foar SDS’ers kin dit fan 14.00-15.00 oere. Fanôf 16.00 sille de follyballers los. Fansels is it ek tige de muoite wurdich om efkes om it hoekje te sjen.

De JO19-1

De mannen fan de JO19 hawwe der mar nocht yn. Sy hawwe ôfrûne tongersdei noch efkes traind fan 19.00 – 20.00 oere en hawwe dêrnei yn de kantine it jier alfêst op paste wize ôfslúten.

Kompetysje-yndielingen

De KNVB komt 11 jannewaris mei de nije kompetysje-yndielingen fan de jeugd. Wy nimme oan dat sy dan ek mei de nije kompetysje-yndieling fan SDS 2 komme.
De JO8-JO12 soe dan sneon 21 jannewaris alwer los moatte en de JO13-JO19 op 4 febrewaris.

OFK 45+

Der wurd hurd wurke om der foar te soargjen dat der op sneon 4 febrewaris wer in OFK 45+ organiseard wurde kin yn sporthal De Trije yn Frjentsjer. Klaas van der Weg is by SDS oan it ynfentariseren as der in ploegje byinoar skarrelje wurde kin.

SDS-nijjierssit op sneon 7 jannewaris

Hasto dy al opjoen foar it fuotbalmikstoernoai of it klaverjassen mei de SDS-nijjierssit op sneon 7 jannewaris? It kin hjir. Ynmiddels hawwe wy sa ’n 25 fuotballers en 5 kaarters. Der kin dus noch wol wat mear by.

De nije SDS-League!

De transferperioade sit der noch lang net op, dus wy kinne noch net los mei de twadde helte fan de SDS-League! Wy hoopje begjin febrewaris wer los te kinnen.

Harsens derby (2121)

Pelé! De beste fuotballere ea?
De measten fan ús hawwe him nea in wedstriid baljen sjoen, mar Pelé wie de earste fuotballer dy ’t dingen die dy in fuotballer noch nea earder dien hie. Sjoch mar ris.